Հյուսիսային Կորեայի առաջնորդ Կիմ Չեն Ընը ժամանել է Չինաստան՝ այդ երկրի ղեկավար Սի Ծինփինի հրավերով: Նախապես չհայտարարված այցի մասին երեկ հաղորդել են չինական և հյուսիսկորեական լրատվամիջոցները:
Կիմ Չեն Ընի այցը տեղի է ունենում ԱՄՆ նախագահ Դոնալդ Թրամփի հետ հնարավոր հանդիպման նախաշեմին: Անցյալ շաբաթ Թրամփը հայտնել է, թե Հյուսիսային Կորեայի առաջնորդից «հրաշալի» նամակ է ստացել, և նշել է, որ քննարկումներ են ընթանում ամերիկա-հյուսիսկորեական բարձր մակարդակի հնարավոր հանդիպման կազմակերպման ուղղությամբ:
Անցյալ տարի Կիմ Չեն Ընը երկու անգամ այցելել է Պեկին՝ այդ թվում Սինգապուրում Դոնալդ Թրամփի հետ հանդիպումից հետո: Այդ գագաթնաժողովի ընթացքում երկու նախագահները պատրաստակամություն են հայտնել հասնելու Կորեական թերակղզու ամբողջական ապամիջուկայնացմանը:
