Քաթարում 2022 թվականին անցկացվելիք ֆուտբոլի աշխարհի առաջնությանը կմասնակցի 32 ազգային հավաքական:
ՖԻՖԱ-ն մերժել է Քաթարում առաջնության մասնակիցների թիվը 48-ի հասցնելու առաջարկը, որը ժամանակին ներկայացրել է ՖԻՖԱ-ի նախագահ Ջանի Ինֆանտինոն:
Նրա ղեկավարած կազմակերպությունն այսօր տարածել է հայտարարություն, որում ասվում է, որ «տարբերակը համապարփակ և մանրամասն վերլուծելուց և շահագրգիռ կառույցների հետ քննարկելուց հետո բոլոր կողմերը հանգել են այն եզրակացույան, որ այսօրվա հանգամանքներում մասնակից թիմերի թիվն ավելացնելու հնարավորությունն անիրատեսական է»:
Այնուամենայնիվ, 2026 թվականի ֆուտբոլի աշխարհի առաջնությանը, որը համատեղ կազմակերպելու են Ամերիկայի Միացյալ Նահանգները, Կանադան և Մեքսիկան, կմասնակցի 48 ազգային հավաքական:
