Աֆղանստանում Նանգահարի շրջանում ուրբաթօրյա ավանդական աղոթքի ընթացքում ահաբեկիչները մզկիում երկու ռումբ են պայթեցրել:
Զոհվել է առնվազն 62 մարդ: Նանգահարի վարչակազմի անդամ Սոհրաբ Քադերին հայտնել է, որ կա առնվազն 100 վիրավոր:
Ենթադրվում է, որ զոհերի թիվը կավելանա, քանի որ մեծ թվով հավատացյալներ մնացել են մզկիթի ավերակների տակ:
«Ուրբաթօրյա նամազն էր, բոլորը մզկիթում էին, հանկարծ պայթյուն որոտաց, շատերն են տուժել»,- ասել է ականատես Ինքելաբ Ջանը:
Նանգահարի նահանգի առողջապահության վարչության անդամ Զահիր Ադիլի փոխանցմամբ, ավելի քան երկու տասնյակ վիրավորների փոխադրել են Ջալալաբադի հիվանդանոցներ:
