ԱՄՆ նախագահ Դոնալդ Թրամփը հայտարարել է, որ մոտ է Գազայում պատերազմը դադարեցնելու և պատանդներին տուն վերադարձնելու համաձայնագրի կնքումը։
«Կարծես թե մենք համաձայնության ենք եկել Գազայի հարցում։ Կարծում եմ՝ դա այնպիսի համաձայնագիր է, որը պատանդներին կվերադարձնի, դա այնպիսի համաձայնագիր է, որը կավարտի պատերազմը», - Դոնալդ Թրամփի խոսքերն է մեջբերում Reuters-ը:
ԱՄՆ նախագահն այլ մանրամասներ չի ներկայացրել:
Սպիտակ տան բարձրաստիճան պաշտոնյան Reuters-ին հայտնել է, որ Թրամփը երկուշաբթի օրը Սպիտակ տանը կհանդիպի Իսրայելի վարչապետ Բենյամին Նեթանյահուի հետ՝ շրջանակային համաձայնագրի հասնելու նպատակով։
