Երեւանի պետական հումանիտար քոլեջում կայացավ «Բաց դռներ բոլորի համար» միջոցառումը, որի ընթացքում ներկայացվեց թեթեւ եւ միջին դժվարություններ ունեցող երիտասարդների համար նախնական մասնագիտական կրթության սեփական փորձը ուսման ընթաcքում: Այս նախաձեռնությամբ «Հույսի կամուրջ» եւ «Առաքելություն արեւելք» հասարակական կազմակերպություննները նպատակ ունեն արհեստագործական կրթության միջոցով ապահովել հավասար աշխատանքային պայմաններ զարգացման առանձնահատկություններ ունեցող անձանց համար:
Հայաստանում առաջին անգամ ներդրված այս ծրագրի շրջանակներում երիտասարդները սովորում են գորգագործություն եւ այգեգործություն: Օրինակ Սիմոնովա Գայանեն 30 տարեկան է, ընտրել է գորգագործությունը, որովհետեւ երազում է ապագայում հմուտ գորգագործ դառնալ:
Երիտասարդներին գորգ գործել է սովորեցնում Երեւանի պետական հումանիտար քոլեջի կերպարվեստի դասախոս Դիանա Մելիքջանյանը: Իր մեկ տարվա աշխատանքային փորձի ընթացքում նկատել է, որ զարգացման առանձնահատկություններ ունեցող երիտասարդները հատուկ պատասխանատվությամբ են վերաբերվում գործին:
Բացի այգեգործությունից եւ գորգագործությունից, երիտասարդներն այստեղ նաեւ երգել են սովորում: Քոլեջի երաժշտական ամբիոնի խմբավար Անահիտ Ծերունյանը բացատրեց, որ երաժշտական թերապիան օգնում է հաղթահարել լեզվական խնդիրները:
Զարգացման առանձնահատկություններ ունեցող անձանց համար նախատեսված այս ծրագիրը մեկնարկել է 2 տարի առաջ, իրականացվում է ՀՀ կրթության եւ գիտության նախարարության, ինչպես նաեւ Կրթության ազգային ինստիտուտի հետ համագործակցությամբ: Ծրագրի պիլոտային փուլն իրականացվում է Երեւանի պետական հումանիտար քոլեջում, որտեղ նշված երկու մասնագիտությունների գծով ուսանում են հաշմանդամություն ունեցող 28 երիտասարդներ:
Երիտասարդներին գորգ գործել է սովորեցնում Երեւանի պետական հումանիտար քոլեջի կերպարվեստի դասախոս Դիանա Մելիքջանյանը: Իր մեկ տարվա աշխատանքային փորձի ընթացքում նկատել է, որ զարգացման առանձնահատկություններ ունեցող երիտասարդները հատուկ պատասխանատվությամբ են վերաբերվում գործին:
Բացի այգեգործությունից եւ գորգագործությունից, երիտասարդներն այստեղ նաեւ երգել են սովորում: Քոլեջի երաժշտական ամբիոնի խմբավար Անահիտ Ծերունյանը բացատրեց, որ երաժշտական թերապիան օգնում է հաղթահարել լեզվական խնդիրները:
Զարգացման առանձնահատկություններ ունեցող անձանց համար նախատեսված այս ծրագիրը մեկնարկել է 2 տարի առաջ, իրականացվում է ՀՀ կրթության եւ գիտության նախարարության, ինչպես նաեւ Կրթության ազգային ինստիտուտի հետ համագործակցությամբ: Ծրագրի պիլոտային փուլն իրականացվում է Երեւանի պետական հումանիտար քոլեջում, որտեղ նշված երկու մասնագիտությունների գծով ուսանում են հաշմանդամություն ունեցող 28 երիտասարդներ: