Վերջին պահին չեղարկվել է Ռուսաստանի արտգործնախարար Սերգեյ Լավրովի այցը Վիետնամ:
France-Presse լրատվական գործակալությունը ներկայացրել է Վիետնամի արտգործնախարարության հաղորդագրությունը, ըստ որի՝ այցը հետաձգվել է «անսպասելի պատճառով»: Գործակալությունը նաև հրապարակել է Վիետնամի մայրաքաղաք Հանոյում գործող ռուսաստանցի մի դիվանագետի փոխանցածը, թե այցի հետաձգման պատճառը տեխնիկական է, այլ ոչ՝ քաղաքական: Դիվանագետը, սակայն, չի ցանկացել հրապարակել իր անունը:
Լավրովի այցը Վիետնամ նախատեսված էր այսօր, այցի ընթացքում Ռուսաստանի արտգործնախարարը պետք է հանդիպեր Վիետնամի նախագահի հետ: