Քաբուլում անհայտ անձինք երեք արտասահմանցիների են առևանգել և սպանել, հայտնում են պաշտոնական աղբյուրները:
Զոհերը Հնդկաստանի, Մալայզիայի և Մակեդոնիայի քաղաքացիներ են, ովքեր Աֆղանստանում աշխատում էին որպես խոհարարներ:
Աֆղանստանի ոստիկանությունը սպանությունը որակել է ահաբեկչական հարձակում: Առայժմ, սակայն, որևէ խմբավորում չի ստանձնել տեղի ունեցածի պատասխանատվությունը:
Քաբուլը հայտնի է հանցավոր խմբավորումներով, որոնք զբաղվում են մարդկանց` հատկապես օտարերկրացիների առևանգումներով, որոնց ազատ են արձակում գումարի դիմաց: