Ուզբեկստանում հեռուստաընկերությունների աշխատակիցներին արգելել են եթերում հիշատակել երկրի առաջին նախագահ Իսլամ Քարիմովի անունը։ Այդ մասին հայտնում է «Ազատություն» ռադիոկայանի ուզբեկական ծառայությունը:
Տեղական հեռուստաընկերություններից մեկի խմբագրին կարգադրել են «քիչ հիշեցնել» 2016 թվականին մահացած նախագահի մասին, փոխարենը շատ խոսել գործող նախագահ Շավքաթ Միրզիյաևից:
Լրագրողների խոսքով՝ արգելքը վերաբերում է նաև առաջին նախագահի լուսանկարները և արձանները ցուցադրելուն:
«Ղեկավարությունը մեզ ասել է, որ եթե Քարիմովի անունը հնչի եթերում, ապա մենք կգլխատվենք»,- հեռուստաընկերություններից մեկի խոսքերն է մեջբերում աղբյուրը:
«Ազատության» ուզբեկական ծառայությունը հիշեցնում է, որ վերջին շրջանում Ուզբեկստանում սկսել են վերացնել Քարիմովի դիմանկարներն ու գրքերը:
Օգոստոսի 20-ին իրավապահները խուզարկություններ են անցկացրել հուշանվերների խանութներում և առգրավել նախկին նախագահի պատկերով հուշանվերները, իսկ դրանք վաճառողներին՝ տուգանել: