Ռուսաստանը պատժամիջոցներ է սահմանել Ուկրաինայի 322 քաղաքացիների և 68 ուկրաինական ընկերությունների նկատմամբ: Ռուսաստանի վարչապետ Դմիտրի Մեդվեդևի` պատժամիջոցների սահմանման մասին հրամանագիրը հրապարակվել է այսօր կառավարության պաշտոնական կայքում:
Պատժամիջոցների թիրախում են հայտնվել մի շարք բարձրաստիճան ուկրաինացի պաշտոնյաներ, այդ թվում՝ ներքին գործերի նախարար Արսեն Ավակովը, ինչպես նաև պատգամավորներ և խոշոր գործարարներ:
«Պատժամիջոցների ցանկվում հայտնված անձանց բանկային հաշվեհամարները Ռուսաստանի տարածքում արգելափակվում են, արգելվում է նրանց պատկանող ֆինանսական միջոցների դուրսբերումը երկրի տարածքից», - նշված է Ռուսաստանի կառավարության հաղորդագրության մեջ: