Այսօր Միացյալ Նահանգների նախագահ Դոնալդ Թրամփը դիմելու է ազգին` Մեքսիկայի հետ սահմանին «հումանիտար ճգնաժամի և ազգային անվտանգության ճգնաժամի» հարցով:
Ակնկալվում է, որ Թրամփը կթվարկի սահմանին պատ կառուցելու անհրաժեշտության իր փաստարկները:
Սա կլինի Դոնալդ Թրամփի առաջին ուղերձը ազգին՝ նախագահ ընտրվելուց ի վեր:
Հարևան Մեքսիկայի հետ սահմանին պատ կառուցելը Թրամփի նախընտրական գլխավոր խոստումներից է: Ընտրարշավի ժամանակ, սակայն, նա խոստանում էր, որ այդ պատի կառուցման համար կվճարի Մեքսիկան:
Դեմոկրատները, որոնք այժմ վերահսկում են Կոնգրեսի Ներկայացուցիչների պալատը, դեմ են պատի կառուցման համար միջոցներ հատկացնելուն: