Պակիստանում վառելիք փոխադրող բեռնատարի և ուղևորատար ավտոբուսի բախման առաջացրած պայթյունի և հրդեհի հետևանքով զոհվել է առնվազն 27 մարդ:
Ողբերգությունը տեղի է ունեցել Կարաչիի նավահանգստի մոտակայքում, որտեղ 33 ուղևոր փոխադրող ավտոբուսը Բալուջիստանի նահանգ տանող ճանապարհին բախվել է բենզատարին, ինչի արդյունքում երկու մեքենաներն անմիջապես հրդեհվել են:
Կրակն այնքան հզոր է եղել, որ զոհերի ինքնությունը պարզելու համար պահանջվում է ԴՆԹ (DNA) քննություն անցկացնել:
Բալուջիստանի նահանգի ավագ նախարար Ջամ Քամալը կարգադրել է քննություն անցկացնել և պարզել վթարի հանգամանքները:
Պակիստանում ճանապարհների և տրանսպորտի միջոցների անմխիթար վիճակի հետևանքով ամեն տարի տեղի են ունենում բազմաթիվ վթարներ, տարեկան զոհվում է ավելի քան 5 հազար մարդ: