Ռուսական «Բոինգ»-ը, որը մինչ այժմ անհայտ նպատակներով երեկ մեկնել էր Վենեսուելայի մայրաքաղաք, այսօր վերադարձել է և վայրէջք կատարել Մոսկվայի «Վնուկովո» օդանավակայանում:
Օդանավի անձնակազմի, ուղեբեռի ու Կարակաս մեկնելու նպատակների մասին պաշտոնական տեղեկություններ չեն հաղորդվում:
Երեկ Վենեսուելայի խորհրդարանի պատգամավոր Խոսե Գերրան հայտարարել էր, թե Կենտրոնական բանկը ծրագրում է երկրից 20 տոննա ոսկի հանել, ենթադրաբար՝ ռուսական ինքնաթիռով:
Bloomberg-ի աղբյուրները հաղորդել են, որ Վենեսուելայի Կենտրոնական բանկը իսկապես 20 տոննա ոսկի է պատրաստել, որի արժեքը մոտավոր հաշվարկներով կազմում է 840 միլիոն դոլար:
Ռուսաստանի նախագահի խոսնակ Դմիտրի Պեսկովը հայտարարել է, թե որևէ տեղեկություն չունի Կարակասից Մոսկվա ոսկի տեղափոխելու ծրագրերի մասին: