Գերմանիայի կանցլեր Անգելա Մերկելը հայտարարել է, որ Բեռլինը շարունակում է աջակցել Ղրիմի բռնակցման և Ուկրաինայի արևելքի հակամարտության պատճառով Ռուսաստանի դեմ սահմանված պատժամիջոցներին, կոչ անելով մեծացնել ջանքերը Դոնբասում խաղաղ կարգավորման հասնելու համար:
Մյունխենի անվտանգության համաժողովում ելույթ ունենալով՝ Մերկելը միևնույն ժամանակ ընդգծել է, որ դեմ է Ռուսաստանի և Եվրամիության միջև տնտեսական և քաղաքական կապերը խզելուն: Գերմանական կառավարության ղեկավարը հիշեցրել է, որ նույնիսկ «սառը պատերազմի» տարիներին Եվրոպան Խորհրդային Միությունից գազ էր ստանում: