Ամերիկացի օրենսդիրները սպասում են 2016 թվականի նախագահական ընտրություններին ռուսների ենթադրյալ միջամտության հարցով հատուկ դատախազ Ռոբերտ Մյուլերի հետաքննության արդյունքներին:
Մյուլերը մարտի 22-ին իր զեկույցը հանձնել է արդարադատության նախարար Ուիլյամ Բարրին:
Նախարարը Կոնգրեսի լիդերներին ուղղված նամակում հայտնել է, որ «հավանաբար այս շաբաթավերջին կներկայացնի զեկույցում տեղ գտած հիմնական եզրագհանգումները»:
Մյուլերի թիմը 22 ամիս է հետաքննել Դոնալդ Թրամփի և նրա մերձավորների կապերը Ռուսաստանի ներկայացուցիչների հետ:
Արդարադատության նախարարությունը, Սպիտակ տունը և Կոնգրեսը պետք է որոշեն, թե զեկույցն ինչ ծավալով կհրապարակվի ամերիկյան հանրության համար:
Մի խումբ օրենսդիրներ մտահոգություն են հայտնել այն կապակցությամբ, որ Սպիտակ տունը կարող է կասեցնել Թրամփի համար առավել անբարենպաստ փաստերի հրապարակումը:
Մեծ թվով հանրապետականներ և դեմոկրատականներ պահանջում են ամբողջությամբ հրապարակել զեկույցը:
Դեմոկրատականները պնդում են, որ Սպիտակ տունը չպետք է ունենա զեկույցի մանրամասները խմբագրելու և հանրությունից թաքցնելու իրավունք: