Ընտրյալ նախագահ Վլադիմիր Զելենսկու երդմնակալության արարողությունից երկու օր անց, Ուկրաինայի խորհրդարանը այսօր նախատեսում է արտահերթ նիստ անցկացնել:
Նիստը հրավիրել է Գերագույն ռադայի խոսնակ Անդրեյ Պարուբիյը՝ Զելենսկու խնդրանքով:
Երեկ Զելենսկին հրամանագիր է ստորագրել Ռադայի լուծարման մասին և արտահերթ խորհրդարանական ընտրություններ նշանակել հուլիսի 21-ին:
Նախագահը հայտարարել է, որ Ռադայի արտահերթ նիստի ընթացքում կքննարկվեն ընտրական օրենսդրության փոփոխությունները: