ԱՄՆ նախագահ Դոնալդ Թրամփը հերթական անգամ խստորեն քննադատել է Լոնդոնի քաղաքապետ Սադիկ Խանին:
Նա «Թվիթեր»-ում գրել է, թե «Լոնսդոնի քաղաքապետն աղետ է: Նրան պետք է օր առաջ ազատել աշխատանքից»:
Այս անգամ առիթ է հանդիսացել Լոնդոնում մեկ օրում երեք տղամարդկանց սպանությունը: Մեկը հրազենից է զոհվել, երկուսը՝ դանահարվելուց:
Թրամփը «Թվիթեր»-ում նաև տեղադրել է աջակողմյան սյունակագիր, իր հրապարակումներից մեկում միգրանտներին «ուտիճներ» անվանած Քեթի Հոփքինսի գրառումը՝ «Սա է Խանի Լոնդոնստանը»:
Դավանանքով մահմեդական Սադիկ Խանը բազմիցս է քննադատել Թրամփին հակաիսլամական և հակամիգրանտական կոչերի համար: