Ղազախստանի ամենախոշոր քաղաք Ալմաթիում հզոր հրդեհ է բռնկվել մի շենքում, որտեղ կա ներկերի և լաքերի պահեստ:
Ալմաթիի արտակարգ իրավիճակների վարչությունը հաղորդել է, որ հրդեհաշիջման աշխատանքին մասնակցում է 2 ուղղաթիռ, 67 հրշեջ և 27 մեքենա:
Հրդեհը բռնկվել Ալմաթիի Ժետիուի շրջանում: Հրշեջներն ասել են, որ հրդեհը շատ դժվար է մարել, քանի որ պահեստում կա դյուրավառ նյութերի մեծ քանակ: Այս պահին տուժածների մասին տեղեկություններ չկան: