Կորոնավիրուսի վարակակիրներից յուրաքանչյուր յոթերորդը, որոշ երկրներում՝ յուրաքանչյուր երրորդը բուժաշխատող է, վկայում են Առողջապահության համաշխարհային կազմակերպության (ԱՀԿ) ուսումնասիրությունները։
Կառույցը կոչ է անում ուժեղացնել կորոնավիրուսի վարակակիրների բուժման գործընթացում ներգրավված բուժաշխատողների պաշտպանիչ պարագաները:
ԱՀԿ-ն, այդուհանդերձ, դժվարանում է միանշանակ ասել՝ բուժաշխատողները հիվանդների՞ց են վարակվում, թե՞ դրսում:
Բուժքույրերի միջազգային խորհրդի հաշվարկներով՝ համաճարակի բռնկումից ի վեր կորոնավիրուսի հետևանքով մահացել է ավելի քան հազար բուժքույր: