«Եվրամիությունը պետք է շարունակի շփումները Մոսկվայի հետ», - այսօր Բեռլինում հայտարարել է Գերմանիայի դաշնային կանցլեր Անգելա Մերկելը։
Գերմանական կառավարության ղեկավարի խոսքով՝ Ռուսաստանի իշխանությունների հետ ուղղակի շփումները հնարավորություն կտան նաև խոսել երկկողմ հարաբերություններում առկա առավել վիճահարույց թեմաների, այդ թվում՝ Մոսկվայից ուղղորդվող կիբերհարձակումներին և հիբրիդային պատերազմին բնորոշ գործողությունների մասին։
«Ռուսաստանի և ԵՄ հարաբերությունները այս պահին լավ վիճակում չեն։ Բայց նույնիսկ սառը պատերազմի տարիներին շփումներ առկա էին, և ես չեմ կարծում, որ լռությունը կարող է նպաստել խնդիրների լուծմանը», - հայտարարել է Անգելա Մերկելը։