Ուկրաինան նախատեսում է նոր հարվածներ Ռուսաստանի խորքում, հայտարարել է նախագահ Վլադիմիր Զելենսկին կիրակի օրը գլխավոր հրամանատար Ալեքսանդր Սիրսկու հետ հանդիպումից հետո։
«Մենք շարունակելու ենք մեր ակտիվ գործողությունները հենց այնպիսի ձևով, ինչպիսին անհրաժեշտ է Ուկրաինայի պաշտպանությանը», - ասել է նա։
Զելենսկին ընդգծել է, որ ուժերն ու ռեսուրսները պատրաստ են, հավելելով, որ նախատեսել են նաև նոր խորքային հարվածներ:
Օդեսայում ռուսական հարվածից էլեկտրակայան է վնասվել, շուրջ 29 հազար սպառող մնացել է առանց էլեկտրաէներգիայի: Ավելի վաղ՝ հինգշաբթի օրը, Ռուսաստանի կողմից Ուկրաինայի բազմաթիվ շրջանների վրա իրականացված լայնածավալ հարձակման հետևանքով միայն Կիևում զոհվել էր 25 մարդ։