Ադրբեջանի կառավարությունը նախատեսում է Լաչին քաղաքում կառուցվող միջազգային օդանավակայանը շահագործել ընթացիկ տարում, հայտարարել է այդ երկրի նախագահ Իլհամ Ալիևը տրանսպորտի հարցերին նվիրված խորհրդակցությանը:
«Այս տարի Լաչինում շահագործման կհանձնվի իններորդ միջազգային օդանավակայանը»,- ասել է Ալիևը՝ շեշտելով, որ վերջին 20 տարիներին Ադրբեջանում 8 միջազգային օդանավակայան է կառուցվել՝ Բաքվում, Նախիջևանում, Գյանջայում, Լենքորանում, Գաբալայում, Զագաթալայում, Ֆիզուլիում, Զանգիլանում։
Հայաստանի հետ սահմանին գտնվող Լաչինի օդանավակայանի շինարարությունը մեկնարկել է քաղաքը Բաքվի վերահսկողությանը հանձնելուց մի քանի օր անց։ Այն կառուցվում է լեռնային բարդ տեղանքում: