Ֆրանսիան կօգտագործի ռուսական ակտիվների տոկոսները Ուկրաինային ևս 195 միլիոն եվրոյի (211 միլիոն դոլար) ռազմական մատակարարումը ֆինանսավորելու համար: Այս մասին հայտարարել է Ֆրանսիայի պաշտպանության նախարար Սեբաստիեն Լըկորնյուն հարցազրույցում:
Նախագահ Մակրոնն ավելի վաղ ժողովրդին հղած ուղերձում ընդգծել էր՝ Եվրոպան պետք է պատրաստ լինի նույնիսկ առանց ԱՄՆ մասնակցության կանգնել Ուկրաինայի կողքին:
Փարիզը սկսել է նաև հետախուզական տվյալներ տրամադրել Կիևին, որը նախօրեին զրկվել էր ամերիկյան հետախուզության աջակցությունից։
Ավելի վաղ Եվրամիության արտաքին հարաբերությունների և անվտանգության հարցերով բարձր ներկայացուցիչ Կայա Կալլասն առաջարկել է հավաքագրել Ուկրաինային անհրաժեշտ 30 միլիարդ եվրոն՝ միջոցներ հավաքագրելով ինչպես Եվրամիության կողմից պահվող ռուսական սառեցված ակտիվներից, այնպես էլ ԵՄ անդամ պետությունների կամավոր հատկացումներից, որ կարվեն ըստ նրանց ՀՆԱ-ի։