Նարինե Ղալեչյան

Ստեղծվել է Նարինե Ղալեչյան

• Ապրիլ 28, 2011

  Անչափահասների կատարած հանցագործությունների թիվը նվազել է

  Ոստիկանության տվյալներով` վերջին մի քանի տարիներին նկատվում է անչափահասների կողմից իրականացված հանցագործությունների թվի նվազում: Որպես հանցատեսակ` առաջին տեղում գողություններն են, այնուհետեւ` մարմնական վնասվածքի դեպքերը: 2009-2010 թվականի արդյունքներով` նվազել է նաեւ կրկնահանցագործություն կատարած անչափահասների թիվը:

• Ապրիլ 21, 2011

  Հասարակական կարծիքի համաձայն` Հայաստանում աճել են կոռուպցիոն դրսեւորումները

  Նախորդ տարվա համեմատ` այս տարի 20 տոկոսով ավելացել է այն մարդկանց թիվն, ովքեր կարծում են, որ վերջին մեկ տարվա ընթացքում Հայաստանում նկատվել է կոռուպցիոն դրսեւորումների աճ: Նման եզրահանգում են կատարել «Հետազոտական ռեսուրսների կովկասյան կենտրոններ»-ի հայաստանյան մասնաճյուղի հասարակագետ հետազոտողները` 2010-ի նոյեմբերին հարցումներ կատարելով հանրապետության բոլոր մարզերում եւ մայրաքաղաքում բնակվող 18 տարեկանից բարձր բնակչության շրջանում:

• Ապրիլ 20, 2011

  Ճարտարապետաշինարարականը ձգտում է հետ չմնալ ՏՏ զարգացումներից

  Երեւանի ճարտարապետության եւ շինարարության պետական համալսարանում ինտերնետ կապ հայտնվել է դեռ 10 տարի առաջ, բուհի ղեկավարության խոսքով` համալսարանի ողջ տիրույթում գործում է նաեւ անլար ինտերնետ` WiFi: Սակայն ուսանողների մի մասը նշում է, որ համալսարանի տեխնիկական հարմարությունները ոչ բոլորին են հասանելի:

• Ապրիլ 19, 2011

  «Կիսաքուն` դեպի մանկապարտեզ». ծնողները բողոքում են քաղաքապետարանի «փորձերի» դեմ

  Ապրիլի 12-ին իր 100-օրյա գործունեությունն ամփոփոխ ասուլիսում Երեւանի քաղաքապետ Կարեն Կարապետյանը հայտարարել էր, որ առավոտյան ժամերին մայրաքաղաքի կենտրոնական հատվածներում երթեւեկության խցանումները թեւթեւացնելու նպատակով փորձնական ծրագիր է իրականացվելու: Ապրիլի 18-ից մի խումբ ծնողներ բողոքում են Կենտրոն վարչական շրջանի 20 մանկապարտեզներում 8:30 դարպասները կողպելու դեմ:

• Ապրիլ 15, 2011

  Երեւանի գրողների միության հարցման համաձայն` Ռազմիկ Դավոյանը ամենաճանաչված ժամանակից գրողն է

  Երեւանի գրողների միությունը սոցիալական հարցումներ է անցկացրել` պարզելու համար, թե ժամանակակից հայ գրողներից ովքեր են ամենահայտնին: Երեւանի պետական եւ մանկավարժական համալսարանների ավելի քան 200 ուսանողների շրջանում անցկացված հարցումները ցույց են տվել, որ ժամանակակից գրականության մեջ ամենաբարձր վարկանիշն ունի Ռազմիկ Դավոյանը:

• Ապրիլ 14, 2011

  Պահանջում են համապատասխան խնամք ցուցաբերել հեմոֆիլիայով հիվանդների նկատմամբ

  Հեմոֆիլիայով հիվանդների հայկական ասոցիացիան պնդում է, որ Հայաստանում տրամադրվող դեղամիջոցը չի բավարարում անգամ հեմոֆիլիայով ծանր հիվանդներին: Ասոցիացիայի նախաձեռնությամբ մի խումբ հեմոֆիլիայով հիվանդներ հավաքվել էին կառավարության շենքի դիմաց` պահանջելով կառավարությունից հատկացնել բավարար չափով հակահեմոֆիլային պատրաստուկներ:

• Ապրիլ 14, 2011

  Հայաստանում բավարար հակահեմոֆիլային պատրաստուկներ չկան

  Հեմոֆիլիայով հիվանդների խնդիրներով զբաղվող կենտրոնի անդամները եւ հիվանդները պահանջում են բավարար չափով հակահեմոֆիլային պատրաստուկներ հատկացնել հիվանդներին:

• Ապրիլ 12, 2011

  Ստեղծվել է համահայկական երիտասարդական խորհրդարան

  Սփյուռքի նախարարության նախաձեռնությամբ ստեղծվել է Համահայկական երիտասարդական խորհրդարան, որի նպատակն է համազգային խնդիրների շուրջ համախմբել Հայաստանի, Արցախի եւ Սփյուռքի երիտասարդներին ու երիտասարդական կազմակերպություններին:

• Ապրիլ 09, 2011

  Ագրարային համալսարանում ինտերնետը նորություն չէ

  Երբ 1990-ին ԱՄՆ գյուղպետդեպարտամենտի հայաստանյան գրասենյակը տեղակայվել է Հայաստանի ագրարային համալսարանի մասնաշենքերից մեկում, բուհն ապահովվել է ինտերնետ կապով: 2000 թվականին դեպարտամենտը տեղափոխվել է բուհի տարածքից` եղած ողջ տեխնիկան նվիրելով համալսարանին:

• Մարտ 29, 2011

  Կրթության նախարարությունը պատրաստ է ավելի «հասկանալի» լինել հանրության համար

  Որպեսզի կրթության եւ գիտության նախարարությունն այսուհետ առավել թափանցիկ գործունեություն ծավալի, եւ որպեսզի հանրությունն առավել իրազեկված լինի ոլորտում տեղի ունեցող փոփոխություններին, ԿԳ նախարար Արմեն Աշոտյանը հաստատել է Հայաստանում ՄԱԿ-ի մշտական համակարգող Դաֆինա Գերչեւայի առաջարկած` կրթության եւ գիտության նախարարության հաղորդակցության ռազմավարության ծրագիրը 2011-2015թվականների համար:

• Մարտ 28, 2011

  Մասնագետների պնդմամբ` Հայաստանում սկսել են ավելի վաղ տարիքից սեքսով զբաղվել

  Երեւանի պետական բժշկական համալսարանի սեքսոլոգիայի ամբիոնի դասախոս, սեքսապաթոլոգ Վրեժ Շահրամանյանի խոսքով` Հայաստանում առաջին անգամ սեռական հարաբերություն ունենալու միջին տարիքը նվազել է` հասնելով 15-16 տարեկանի, այն դեպքում երբ 10-15 տարի առաջ առաջին սեռական կապ ունենալու միջին տարիքը եղել է 18-19 տարեկանը:

• Մարտ 24, 2011

  Միկրոէլեկտրոնիկայի օլիմպիադան կկայանա վեցերորդ անգամ

  «Միկրոէլեկտրոնիկայի հայաստանյան 6-րդ միջազգային օլիմպիադան» այս տարի կանցկացվի սեպտեմբեր-հոկտեմբեր ամիսներին: Օլիմպիադայի նպատակն է բացահայտել տարածաշրջանի մինչեւ 30 տարեկան շնորհալի ճարտարագետներին, ովքեր Հայաստանում զբաղվում են միկրոէլեկտրոնային նախագծմամբ:

• Մարտ 23, 2011

  Հայ երիտասարդները պահանջ են ուղղել ԵԱՀԿ նախագահին եւ Մինսկի խմբի համանախագահներին

  «ԵՊՀ երիտասարդ համալսարանականների միավորում» հասարակական կազմակերպությունը եւ «Միասին» երիտասարդական շարժումը հայտարարություն են տարածել` ԵԱՀԿ գործող նախագահ, Լիտվայի ԱԳ նախարար Աուդրոնիուս Աժուբալիսից եւ Մինսկի խմբի համախանագահներից պահանջելով խստորեն դատապարտել Սոչիում ձեռք բերած պայմանավորվածությունների` Ադրբեջանի կոպիտ խախտման փաստերը, որոնց հետեւանքով զոհվել են հայ զինծառայողներ:

• Մարտ 18, 2011

  Կկառուցվի բնակելի նոր համալիր երիտասարդ գիտնականների եւ ստեղծագործողների համար

  «ԵՊՀ» շրջանավարտների միավորում հասարակական կազմակերպության «Մատչելի բնակարան` երիտասարդ գիտնականներին եւ ստեղծագործական միությունների անդամներին» ծրագրին աջակցում է «ՎՏԲ Հայաստան» բանկը: Տրամադրվող հիփոթեկային վարկերով ԳԱԱ համակարգի շուրջ 216 երիտասարդ գիտնականներ եւ ստեղծագործողներ հնարավորություն կունենան ձեռք բերել բնակարաններ` 1քմ-ը 184.000 դրամով:

• Մարտ 17, 2011

  Հանրային լսումներ` բնապահպանական օրինագծերի շուրջ

  «Մթնոլորտային օդի պաշտպանության մասին» եւ «Ջրային օրենսգրքում փոփոխություններ ու լրացումներ կատարելու մասին» օրենքների շուրջ ԵՊՀ-ում կայացան հանրային լսումներ. ԱԺ-ի կողմից առաջին ընթերցմամբ ընդունված օրենքները ոլորտի փորձագետներին, բնապահպանական կազմակերպությունների ակտիվիստներին ներկայացրեցին հեղինակները:

• Մարտ 09, 2011

  Ամփոփվեց գիտական հայտերի մրցույթը

  Ամփովեց Գիտության պետական կոմիտեի կողմից հայտարարված գիտական եւ գիտատեխնիկական գործունեության ֆինանասավորման նպատակով գիտական թեմաների հայտերի մրցույթը: Ֆինանսավորման ընդհանուր 686 մլն դրամի գերակշիռ մասը` 17 տոկոսը, հատկացվել է ֆիզիկային, 14 տոկոսը` հայագիտությանն ու սոցիալական գիտություններին, 12 տոկոսը` կենսաբանությանը, եւ 4,5-ական տոկոս` հումանիտար եւ գյուղատնտեսական ոլորտներին:

• Մարտ 07, 2011

  Նորից «ամեն ինչ կանանց համար»

  Երեւանում բացվել է «Էկո կենտրոն» կազմակերպության նախաձեռնած «Ամեն ինչ կանանց համար» ցուցահանդեսը, որի շրջանակներում մոտ 85 կազմակերպութուններ ներկայացրել են ձեռքի աշխատանքներ` կանանց համար նախատեսված զարդեր, ասեղնագործություններ, շպարման պարագաներ եւ այլն: Ցուցահանդես-վաճառքը կազմակերպվում է արդեն երրորդ անգամ:

• Փետրվար 28, 2011

  Ռոբոտների նախագծման մրցույթները շարունակվում են

  Մարտի 4-ին եւ 5-ին Հայաստանի ռոբոտների բաց առաջնության շրջանակներում տեղի կունենա գծին հետեւող եւ իրեր տարբերակող ու դասակարգող ռոբոտների մրցույթ, որին կմասնակցի 8 թիմ: Ռոբոտների նախագծման մրցույթը հայտարարել է Հայաստանի ինֆորմացիոն տեխնոլոգիաների ձեռնարկությունների միությունը:

• Փետրվար 25, 2011

  ԲՈՀ-ը կաշխատի նոր կանոններով

  Վերանայվել են Կրթության եւ գիտության նախարարության բարձրագույն որակավորման հանձնաժողովի (ԲՈՀ) կանոնակարգերը: Աշխատանքի նոր չափանիշերն ու պահանջները ներկայացրեց Մանկավարժական համալսարանի նախկին ռեկտոր, ԲՈՀ-ի նախագահի պաշտոնակատար Արտյուշա Ղուկասյանը:

• Փետրվար 23, 2011

  Բուհերի և մասնավոր հատվածի համագործակցությունը դեռ սահմանափակ է

  Աշխարհի շատ երկրներում գործատուներն ակտիվորեն համագործակցում են բուհերի հետ, եւ վերջինները հանդես են գալիս իբրեւ գիտահետազոտական կենտրոներ: Հայկական բուհերի դեպքում այս համագործակցությունը բավական սահմանափակ է, եւ նման ավանդույթ ձեւավորելու գործում ռեկտորները մեծ են համարում հենց ընկերությունների նախաձեռնող դերը:

Բեռնել ավելին