Ադրբեջանի զինված ուժերի գլխավոր շտաբի պետ Նաջմեդին Սադիկովն օգոստոսի 23-ին Մինսկում հանդիպում է ունեցել Բելառուսի ռազմաարդյունաբերական պետական կոմիտեի ղեկավար Ռոման Գոլովչենկոյի հետ։ Այդ մասին հաղորդում է «Թուրան» գործակալությունը՝ վկայակոչելով պաշտոնական հաղորդագրությունը:
Սադիկովն ու Գոլովչենկոն քննարկել են երկկողմ համագործակցությանը վերաբերող հարցեր, ապա ծանոթացել բելառուսական արտադրության ռազմատեխնիկային:
Վերջին շրջանում Բաքուն մեծացրել է Բելառուսից գնվող սպառազինության ծավալները:
Ադրբեջանական բանակի ամենաարդիական հրթիռային համակարգերից մեկը՝ «Պոլոնեզ»-ը, Բաքուն ձեռք է բերել հենց Բելառուսից:
Ադրբեջանա-բելառուսական ռազմական այդ գործարքը կնքվել է այն բանից հետո, երբ Ռուսաստանը Հայաստանին «Իսկանդեր» հրթիռային համակարգ մատակարարեց։
