Պատերազմ Ուկրաինայում (լայվ բլոգ, թարմացվող)

«Ուկրաինայում ընթացող հատուկ գործողությունը կդադարի այն պահին, երբ Կիևը համաձայնի Ռուսաստանի ներկայացրած պահանջներին», - այսօր հայտարարել է Ռուսաստանի նախագահի մամուլի քարտուղար Դմիտրի Պեսկովը։

Նրա խոսքով՝ այդ պահանջները երեքն են՝ սահմանադրորեն ամրագրել Ուկրաինայի չեզոք կարգավիճակը, ճանաչել Ղրիմի ռուսական պատկանելությունը, ինչպես նաև Դոնեցկի և Լուգանսկի ինքնահռչակ հանրապետությունների անկախությունը։

ԱՄՆ նախագահ Ջոզեֆ Բայդենը, Գերմանիայի դաշնային կանցլեր Օլաֆ Շոլցը, Ֆրանսիայի նախագահ Էմանուել Մակրոնը և Մեծ Բրիտանիայի վարչապետ Բորիս Ջոնսոնը այսօր հեռավար բանակցություններ կանցկացնեն։

Սպիտակ տան պաշտոնական կայքի փոխանցմամբ՝ «չորս պետությունների ղեկավարները կքննարկեն Ռուսաստանին և Ուկրաինային վերաբերող վերջին զարգացումները»։

Բելառուսի արևմուտքում մեկնարկել է ռուս-ուկրաինական բանակցությունների երրորդ փուլը։

Հանդիպման մեկնարկից քիչ առաջ ուկրաինական պատվիրակության անդամ, Ուկրաինայի նախագահի աշխատակազմի ղեկավարի խորհրդական Միխաիլ Պոդոլյակը Twitter-ում գրել է. «Մի քանի րոպեից մենք բանակցություններ կսկսենք մի երկրի ներկայացուցիչների հետ, վստահ է, որ քաղաքացիական բնակչության դեմ լայնածավալ բռնությունները բանակցությունների ընթացքում կարող են փաստարկ հանդիսանալ։ Ապացուցեք, որ դա այդպես չէ»։

«Ռուս-ուկրաինական պատերազմը կարող է լուրջ խնդիրներ ստեղծել համաշխարհային պարենային անվտանգության տեսանկյունից, հատկապես այն երկրներում, որոնք կախված են ուկրաինական հացահատիկի ներկրումներից», - զգուշացնում են փորձագետները։

Ուկրաինան հացահատիկի արտադրության ծավալներով աշխարհում զբաղեցնում է հինգերորդ տեղը, այս երկրին է բաժին ընկնում հացահատիկի միջազգային շուկայի 10 տոկոսը։

Բելառուսում Բելովեժյան թավուտում ավարտվեց Ռուսաստանի և Ուկրաինայի պատվիրակների բանակցությունների երրորդ փուլը:

Ռուսաստանի պատվիրակության ղեկավար, նախագահ Պուտինի օգնական Վլադիմիր Մեդինսկին ասել է, թե Մոսկվան հուսով է, որ մարդասիրական միջանցքները վաղվանից կաշխատեն: Նրա խոսքով, երրորդ փուլի հետ կապված հույսերը չեն արդարացել:

Ուկրաինայի պատվիրակության ղեկավար, նախագահ Զելենսկու օգնական Միխայիլ Պոդոլյակի փոխանցմամբ, քննարկվել է կրակը դադարեցնելու հարցը, սակայն համաձայնություն ձեռք չի բերվել: «Կան որոշակի դրական տեղաշարժեր մարդասիրական միջանցքների կազմակերպման հարցում», - ասել է Պոդոլյակը:

Կողմերը պայմանավորվել են առաջիկայում անցկացնել բանակցությունների չորրորդ փուլը, որը, հավանաբար, վերստին տեղի կունենա Բելառուսում:

Embed Տարածել

Պատերազմ, օր 13-րդ. Խարկով

Embed Տարածել

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:00:32 0:00

Միացյալ Նահանգներըի պաշտպանության նախարարության մի բարձրաստիճան սպա Reuters-ին ասել է, որ գրեթե բոլոր 150 հազար ռուսաստանցի զինծառայողները, ովքեր տեղակայվել էին Ուկրաինայի սահմանի մոտ, արդեն գտնվում են Ուկրաինայի տարածքում:

Պատերազմի 12-րդ օրը ռուսական բանակի հիմնական հատվածը դիրքավորվել է Կիևից հյուսիս:

Ռուսները տակավին ամբողջությամբ չեն հսկում Ուկրաինայի օդային տարածքը: Նրանք փորձում են նախևառաջ հրթիռակոծությունների և հրետակոծությունների միջոցով լուծել ռազմական խնդիրները:

Ըստ Պենտագոնի, պատերազմի ընթացքում ռուսներն ավելի է քան 625 հրթիռ են արձակել ուկրաինական թիրախների ուղղությամբ:

ԱՄՆ-ի նախագահ Ջո Բայդենը, Ֆրանսիայի նախագահ Էմանյուել Մակրոնը, Մեծ Բրիտանիայի վարչապետ Բորիս Ջոնսոնը և Գերմանիայի կանցլեր Օլաֆ Շոլցը տեսակապով անցկացրած քննարկումներից հետո հայտնել են, որ կշարունակեն աջակցել և այդ թվում ռազմական օգնություն տրամադրել Ուկրաինային: Այդ մասին ասվում է Սպիտակ տան հաղորդագրությունում:

Բայդենը, Մակրոնը, Ջոնսոնը և Շոլցը նաև քննարկել են իրենց վերջին շփումները Ռուսաստանի և Ուկրաինայի ղեկավարների հետ։