Պատերազմ Ուկրաինայում (լայվ բլոգ, թարմացվող)

Embed Տարածել

Կիևի առևտրի կենտրոնում հրետակոծության հետևանքով զոհվել է առնվազն վեց մարդ

Embed Տարածել

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:02:27 0:00

«Կիևի գիշերային հրթիռակոծության հետևանքով ութ մարդ է զոհվել», - հաղորդում են ուկրաինական աղբյուրները։

Պոդոլի շրջանում գտնվող Retroville առևտրի կենտրոնի և հարակից տարածքի հրթիռակոծությունը տեղի էր ունեցել կեսգիշերին մոտ։

Կիևի քաղաքապետ Վիտալի Կլիչկոյի խոսքով՝ հարվածը հասցվել է քաղաքի ամենախիտ բնակեցված թաղամասերից մեկին։ Վեց բնակելի շենք է վնասվել, որոնցից երեքն այլևս պիտանի չեն մարդկանց հետագա բնակության համար։

Գիշերային հարվածների հետևանքով տարհանվածների թիվը հասնում է 200-ի։

Embed Տարածել

Պայթյուն Կիևի առևտրի կենտրոնում. փրկարարները դուրս են բերում վիրավորներին, կան զոհեր

Embed Տարածել

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:02:07 0:00

Ռուսաստանցիների զգալի մասը դեմ է պատերազմ սկսելու Վլադիմիր Պուտինի որոշմանը, ամերիկյան ABC-ին տված հարցազրույցում ասել է Ռուսաստանի Առաջին հեռուստաալիքի խմբագիրը, որն ուղիղ եթերում, լուրերի թողարկման ժամանակ, իր բողոքն էր հայտնել Կրեմլի՝ Ուկրաինա ներխուժման դեմ։

«Դա Պուտինի պատերազմն է, ոչ թե ռուս ժողովրդի», - ասել է Մարինա Օվսյաննիկովան։

Վրաստանի բնակչության մեծամասնությունը կողմ է Ռուսաստանի դեմ պատժամիջոցներ չկիրառելու պաշտոնական Թբիլիսիի որոշմանը։ Դա են վկայում «Իմեդի» հեռուստաընկերության պատվերով անցկացված սոցհարցման արդյունքները։

Թբիլիսիում գործող GORBI սոցիոլոգիական ծառայության կողմից անցկացված հետազոտության համաձայն, Վրաստանի բնակչության 64 տոկոսը դեմ է Թբիլիսիի՝ Ռուսաստանի դեմ սահմանված արևմտյան պատժամիջոցներին միանալու գաղափարին։

Հարցումն անցկացվել է Վրաստանի ամբողջ տարածքում մարտի 10-16-ը, դրան մասնակցել է երկրի հազարից ավելի քաղաքացի։

Ռուս-ուկրաինական բանակցությունները այսօր շարունակվել են շուրջ մեկուկես ժամ։ Այս մասին «Ուկրաինսկայա պրավդա» պարբերականին տեղեկացրել է ուկրաինական պատվիրակության անդամ, Գերագույն ռադայում իշխող մեծամասնության ղեկավար Դավիթ Արախամիան։

Նրա խոսքով՝ հեռավար կարգով անցկացված բանակցություններից հետո կողմերը քննարկումները շարունակել են աշխատանքային խմբերում։

Ռուսաստանի դեմ սահմանվող նոր պատժամիջոցների հարցում հարկավոր է զգուշավորություն ցուցաբերել, հայտարարել է Նիդերլանդների վարչապետ Մարկ Ռյուտեն։

«Մենք պետք է ազատվենք [ռուսական էներգակիրներից] մեր կախվածությունից։ Եվրահանձնաժողովի առաջարկով մինչև տարեվերջ պետք է անել հնարավորը, որպեսզի այդ կախվածությունը նվազեցվի երկու երրորդով։ Դրա հետ մեկտեղ մենք պետք է հստակ երաշխիքներ ունենանք, որ բավարար քանակի գազ և նավթ կունենանք մեր տրամադրության տակ», - ասել է նա։

Չնայած բանակցություններում արձանագրված որոշակի առաջընթացին, ռուս-ուկրաինական հարաբերություններում առկա խոր անջրպետը պահպանվում է, այսօր հայտարարել է Իսրայելի վարչապետ Նաֆթալի Բենետը։

«Վերջին մի քանի շաբաթների ընթացքում որոշակի առաջընթաց թեև կար, այնուհանդերձ հիմնարար խնդիրների շուրջ տարաձայնությունները շարունակում են շատ լուրջ բնույթ կրել։ Մենք աշխարհի տարբեր երկրներում մեր մյուս բարեկամների հետ միասին կշարունակենք ջանքեր գործադրել, որպեսզի այդ տարաձայնությունները հաղթահարվեն։ Ամենալավ բանը, որ կարող է տեղի ունենալ, պատերազմի ավարտն է։ Բայց դրան տանող ճանապարհը դեռ շատ երկար է, առկա են մի շարք հիմնարար խնդիրներ, որոնք քննարկման ենթակա են», - հայտարարել է նա այսօր Երուսաղեմում ունեցած ելույթում։

Այսօր երեկոյան Կիևում և հարակից շրջաններում կրկին 36-ժամյա պարետային ժամ է հայտարարվում։ Այս մասին հայտնել է Ուկրաինայի մայրաքաղաքի քաղաքապետ Վիտալի Կլիչկոն։

«Թշնամի շարունակում է գրոհել մայրաքաղաքը։ Պարետային ժամի պայմանները Կիևում խստացվելու են։ Պարետային ժամը գործելու է այսօր երեկոյան ժամը 8-ից մինչև չորեքշաբթի առավոտյան ժամը 7-ը։ Վաղը չեն աշխատելու խանութները, դեղատները, բենզալցակայաններն ու այլ հաստատությունները», - հայտարարում էր Կլիչկոն՝ նշելով, որ քաղաքում տեղաշարժվելու իրավունք ստանալու են միայն հատուկ անցագիր ունեցող մարդիկ և տրանսպորտային միջոցները։

Մոսկվայի Տվերսկոյ շրջանի դատարանի վճռով Meta Platforms ամերիկյան մեդիաընկերությունը և դրա հիմնադրած Facebook և Instagram սոցիալական ցանցերը ճանաչվել են ծայրահեղական: Դրանց գործունեությունն արգելվել է:

Ռուսաստանի դատախազությունն օրեր առաջ հայտարարել էր, որ Meta ընկերությունը նպաստում է աշխարհում Ռուսաստանի նկատմամբ ատելության աճին և Ռուսաստանի ներսում թշնամանքի տարածմանը:

"Роскомнадзор"-ը` Տեղեկատվական տեխնոլոգիաների և զանգվածային հաղորդակցության բնագավառի վերահսկողության դաշնային ծառայությունը, պաշտոնապես արգելել է ռուսաստանյան լրատվամիջոցներին տեղադրել, ցուցադրել և հիշատակել Meta Platforms Inc. ընկերության և դրան պատկանող Facebook և Instagram սոցցանցերի պատկերանշանները:

Եվրոպական միությունը մտադիր է աստիճանաբար՝ երկու տարում հրաժարվել ռուսական գազից: Այդ մասին երեկ Բրյուսելում Եվրամիության արտգործնախարարների ժողովից հետո ասել է ԵԱՀԿ գործող նախագահ, Լեհաստանի արտաքին գերատեսչության ղեկավար Զբիգնև Ռաուն:

Նրա խոսքով, փորձագետները կարծիք են հայտնել, որ Եվրոպական միության պարագայում ռուսական էներգակիրներից հնարավորինս արագ հրաժարվելու իրատեսական ժամկետը մոտ երկու տարի է: