Պատերազմ Ուկրաինայում (լայվ բլոգ, թարմացվող)

Ուկրաինայի խորհրդարանի՝ Գերագույն ռադայի մարդու իրավունքների պաշտպան Լյուդմիլա Դենիսովան մարտի 31-ին ասել է, որ ագրեսորները պատերազմի ընթացքում շուրջ 400 հազար ուկրաինացիների բռնի փոխադրել են Ռուսաստանի տարածք:

«Մեր քաղաքացիներին մեր տարածքից տեղահանել և փոխադրել են Ռուսաստանի տարածք: Նրանք իրենց կամքով չեն հեռացել: Նրանց նախ բռնի եղանակով փոխադրում են Դոնբասում գտնվող «ֆիլտրացիոն ճամբար», որտեղից էլ գնացքով ուղարկում են Ռուսաստանի Դաշնության թերզարգացած շրջաններ, օրինակ՝ Սախալին», - ասել է Դենիսովան:

Նրա խոսքով՝ ռուսական բանակի հարձակումների հետևանքով ուկրաինական քաղաքներում մեծ թվով խաղաղ բնակիչներ են զոհվել:

«Մարիուպոլը վերածվել է ավերակների, բնակելի շենքերի 90 տոկոսը ռմբահարվել է, զոհվել է մոտավորապես 20 հազար մարդ», - ասել է Ուկրաինայի օմբուդսմենը:

Ամերիկայի Միացյալ Նահանգների վարչակազմը մտադիր է առաջիկայում պատժամիջոցների ցանկում ընդգրկել ռուսական և բելառուսական ևս 120 կազմակերպություններ ու դրանք զրկել բարձր տեխնոլոգիաներից: Այդ մասին մարտի 31-ին հայտնել է նախագահ Ջո Բայդենի վարչակազմի հաղորդակցության բաժնի տնօրեն Քեյթ Բեդինգֆիլդը:

«Առաջիկայում առևտրի նախարարությունը կձեռնարկի նոր քայլեր ռուսական պաշտպանական ոլորտի՝ աէրոտիեզերական և ծովային սեկտորների դիրքերը թուլացնելու համար: Պատժամիջոցների ցուցակում կհայտնվեն 120 կառույցներ Ռուսաստանից և Բելառուսից», - ասել է Բեդինգֆիլդը:

Նրա փոխանցմամբ՝ այդպիսով «սև ցուցակում» գտնվող ռուսական և բելառուսական կազմակերպությունների թիվը կգերազանցի 200-ը:

Եվրախորհրդարանի խոսնակ Ռոբերտա Մեթսոլան երեկ երեկոյան Twitter-ում գրել է, որ պատրաստվում է մեկնել Կիև։ Նա անգլերենով և ուկրաիներենով կարճ գրառում է արել՝ առանց մանրամասներ ներկայացնելու:

Երեկ Պետդեպարտամենտը թարմացրել է ԱՄՆ քաղաքացիների համար ճամփորդական խորհուրդները՝ բոլոր ամերիկացիներից պահանջելով լքել Ռուսաստանը և Ուկրաինան:

Ինչպես պարզաբանել է Պետդեպարտամենտի խոսնակ Նեդ Փրայսը, դա պայմանավորված է նրանով, որ ռուսական հատուկ ծառայությունները սկսել են նպատակաուղղված որոնել և կալանավորել Ռուսաստանի և Ուկրաինայի տարածքներում գտնվող ամերիկացիներին։

Ուկրաինայի գլխավոր դատախազության նոր տվյալների համաձայն՝ Ռուսաստանի հետ պատերազմի ընթացքում զոհվել է 153 երեխա, վիրավորվել է ավելի քան 245-ը։

Երեխաների մեծ մասը տուժել են Կիևի, Դոնեցկի, Խարկովի և Չեռնիգովի մարզերում։

Ուկրաինայի և Ռուսաստանի պատվիրակությունների միջև առցանց բանակցությունները կվերսկսվեն այսօր։ Այդ մասին Telegram-ում գրել է ուկրաինական պատվիրակության ղեկավար Դավիթ Արախամիան:

Արախամիան նաև փոխանցել է՝ հույս ունի, որ հող կնախապատրաստվի Ուկրաինայի նախագահ Վլադիմիր Զելենսկու և Ռուսաստանի նախագահ Վլադիմիր Պուտինի հետագա հանդիպման համար։

Դավիթ Արախամիայի խոսքով՝ Ուկրաինան պնդում է, որ նախագահների հանդիպումը տեղի ունենա ոչ Ռուսաստանի, ոչ էլ Բելառուսի տարածքում։

Խոշոր հրդեհ է բռնկվել ռուսաստանյան Բելգորոդ քաղաքում «Ռոսնեֆտ»-ի նավթաբազայում։

Բելգորոդի նահանգային իշխանության ղեկավար Վյաչեսլավ Գլադկովի խոսքով՝ հրդեհը բռնկվել է Ուկրաինայի զինված ուժերի երկու ուղղաթիռների հրթիռակոծության հետևանքով, որոնք «Ռուսաստանի տարածք են մտել ոչ մեծ բարձրության վրա»։

Ըստ նախնական տվյալների՝ նյութական վնասներից բացի, զոհեր և վիրավորներ չկան, նավթային պահեստի մոտակա փողոցների բնակիչները տարհանվել են։

Embed Տարածել

Խոշոր հրդեհ ռուսաստանյան Բելգորոդի նավթաբազայում

Embed Տարածել

The code has been copied to your clipboard.

---

width px height px

---

The URL has been copied to your clipboard

No media source currently available

0:00 0:00:57 0:00

Թուրքիայի նախագահը նախօրեին հեռախոսազրույց է ունեցել Ուկրաինայի նախագահի հետ, որի ընթացքում քննարկվել են օրերս Ստամբուլում Ռուսաստանի և Ուկրաինայի պատվիրակությունների միջև կայացած բանակցությունների արդյունքները։

Թուրքիայի նախագահականի հաղորդմամբ, Ռեջեփ Թայիփ Էրդողանը Վլադիմիր Զելենսկուն ասել է, որ ստամբուլյան բանակցությունները նշանակալի խթան են հաղորդել պատերազմի դադարեցման և Ուկրաինայում խաղաղություն հաստատելու համար տարվող գործընթացին։ Էրդողանը վերահաստատել է Թուրքիայում Ռուսաստանի և Ուկրաինայի ղեկավարների հանդիպում կազմակերպելու իր առաջարկը։

Սպասվում է, որ այսօր Թուրքիայի նախագահը հեռախոսազրույց կունենա նաև Ռուսաստանի նախագահ Վլադիմիր Պուտինի հետ:

Միացյալ Նահանգների և Ռուսաստանի միջև դիվանագիտական հարաբերությունները հասել են Մարիանյան իջվածքի մակարդակին, հայտարարել է Ռուսաստանում ԱՄՆ դեսպան Ջոն Սալիվանը։

Reuters-ի հետ զրույցում դեսպանը շեշտել է, որ լուրջ է վերաբերվում դիվանագիտական հարաբերությունները խզելու՝ «ռուսական կառավարության ամենաբարձր մակարդակից» հնչող սպառնալիքներին, նշելով, որ «ռուսները հռետորական զեղումներ չեն անում»։

«Միացյալ Նահանգները չի ցանկանում փակել իր դեսպանատունը։ Նախագահ Բայդենը չի ցանկանում հետ կանչել ինձ որպես դեսպան։ Բայց դա միայն մեզնից չի կախված», - նշել է ամերիկացի դեսպանը։

Ռուսաստանի և Ուկրաինայի պատվիրակությունների միջև բանակցությունները շարունակվում են առցանց ձևաչափով։

Շաբաթասկզբին Ստամբուլում կայացած բանակցությունների նախորդ փուլի արդյունքներով ուկրաինական կողմը ռուսական կողմին է հանձնել մի փաստաթուղթ, որը կարող է հիմք հանդիսանալ խաղաղության համաձայնագրերի համար։

Ռուսաստանի արտգործնախարար Սերգեյ Լավրովն այսօր հայտարարել է, որ ուկրաինական կողմը «բանակցությունների ընթացքում ըմբռնումով է մոտեցել Դոնբասի և Ղրիմի իրականությանը»։

Ուկրաինայի իշխանությունները բազմիցս հայտարարել են, որ մտադիր չեն որևէ տարածքային զիջման գնալ։