Պատերազմ Ուկրաինայում (լայվ բլոգ, թարմացվող)

Ռուսական ուժերի կողմից հրթիռակոծվել է Խարկովի պոլիտեխնիկի մարզասրահը։ Ուկրաինացի պաշտոնյաները հայտնում են, որ մարզասրահի վրա երկու հրթիռ է արձակվել։ Պայթյուններն ու բռնկված հրդեհը ամբողջովին ավերել են շենքը։ Տուժածների մասին հաղորդագրություններ չկան։

Ուկրաինացի զինվորականի փոխանցմամբ` ամբողջ գիշերը ռուսական ուժերը հրետակոծել են Խարկովը Բելգորոդի շրջանից։ Դատելով մարզասրահի ավերածությունների բնույթից `«Իսկանդեր» տեսակի հրթիռեր են արձակվել։

Մարզասրահի աշխատակից Ալեքսեյ Յուշկոյի խոսքերով` այնպիսի զգացողություն է, ասես իր սեփական տունն է հրթիռակոծվել։ «Ես կառուցել եմ այս համալիրը մյուս ուսուցիչների հետ, ուստի ինձ համար դժվար է խոսելը»,- ասել է նա` հույս հայտնելով, որ պատերազմից հետո ամեն ինչ կվերականգնվի:

Ծանր հրթիռակոծությունները, ըստ տեղերից ստացվող պաշտոնական հաղորդումների, անցած գիշեր իրականացվել են գրեթե միաժամանակ։ Հիմնական ռազմական գործողությունները ընթանում են Լուգանսկի և Դոնեցկի մարզերում։

Ռուսաստանի պաշտպանության նախարարությունը հայտարարել է Լուգանսկի շրջանի արևմուտքում գտնվող Գորսկոյե և Զոլոտե գյուղերի տարածքում ուկրաինական զորքերի խմբի շրջափակման մասին։ Կիևը չի հաստատել է այդ տեղեկատվությունը:

Ուկրաինացի զինվորականները գրեթե ամբողջությամբ լքել են Լուգանսկի շրջանի Սևերոդոնեցկ քաղաքը, այս մասին այսօր հայտարարել է քաղաքապետ Ալեքսանդր Ստրյուկը։

Այն, որ ուկրաինացի զինվորականները հրաման են ստացել նահանջել ավելի ամուր դիրքեր, ավելի վաղ հայտնել էր Լուգանսկի շրջանի վարչակազմի ղեկավար Սերգեյ Գայդայը։

Ռուսաստանի պաշտպանության նախարարությունը դեռ չի հայտարարել քաղաքի գրավման մասին։ Չեչնիայի առաջնորդ Ռամզան Կադիրովն է հայտարարել, որ Սևերոդոնեցկի արդյունաբերական գոտին ու օդանավակայանն անցել են ռուսական զորքերի վերահսկողության տակ։

Ուկրաինացի զինվորականները գրեթե ամբողջությամբ լքել են Լուգանսկի շրջանի Սևերոդոնեցկ քաղաքը, այս մասին երեկ հայտարարել է քաղաքապետ Ալեքսանդր Ստրյուկը։

Այն, որ ուկրաինացի զինվորականները հրաման են ստացել նահանջել ավելի ամուր դիրքեր, ավելի վաղ հայտնել էր Լուգանսկի շրջանի վարչակազմի ղեկավար Սերգեյ Գայդայը։

ԱՄՆ պետքարտուղար Էնթոնի Բլինքենը և Թուրքիայի արտաքին գործերի նախարար Մևլյութ Չավուշօղլուն հեռախոսազրույցում քննարկել են ՆԱՏՕ-ի առաջիկա գագաթնաժողովին և Ուկրաինայի շուրջ ստեղծված իրավիճակին վերաբերող հարցեր, հայտնում է ԱՄՆ Պետդեպարտամենտը։

Պետքարտուղարությունը նշել է, որ Բլինքենն ու Չավուշօղլուն խոսել են նաև «Ուկրաինային շարունակական աջակցության մասին»։

Ինդոնեզիայի նախագահ Ջոկո Վիդոդոն ասել է, որ Ռուսաստան և Ուկրաինա իր խաղաղապահ առաքելության այցի ընթացքում մտադիր է հրավիրել երկու երկրների առաջանորդներին` Պուտինին և Զելենսկուն «երկխոսության համար տարածք բացել»:

Ինդոնեզիայի նախագահի այցերը Ուկրաինա և Ռուսաստան տեղի կունենան հունիսի 29-ին և 30-ին։

Գերմանիա` «Մեծ յոթնյակի» գագաթնաժողովին մասնակցելու համար մեկնումից առաջ նա նշել է, որ այնտեղ կոչ է անելու լուծումներ գտնել համաշխարհային պարենային ու էներգետիկ ճգնաժամին:

Ռուսական զորքերը կիրակի առավոտյան հրթիռակոծել են Կիևը։ Մասամբ ավերվել է ինը հարկանի շենք Շևչենկովսկի շրջանում: Հաղորդվում է մեկ զոհի և տուժածների մասին։

Փլատակների տակ կարող են մարդիկ լինել, ասել է Կիևի քաղաքապետ Վիտալի Կլիչկոն։

Ընդհանուր առմամբ, Կիևի Շևչենկովսկի շրջանում չորս պայթյուն է որոտացել: Այս տարածքը գտնվում է Ուկրաինայի մայրաքաղաքի գրեթե կենտրոնում։

«Մեծ յոթնյակի» չորս երկրներ՝ Մեծ Բրիտանիան, ԱՄՆ-ը, Կանադան և Ճապոնիան, շուտով կարգելեն ռուսական ոսկու ներկրումը որպես ավելի կոշտ պատժամիջոցների մաս՝ ի պատասխան Ռուսաստանի ներխուժման Ուկրաինա: Այս մասին Գերմանիայում G7-ի գագաթնաժողովի մեկնարկման օրը հայտարարել է Մեծ Բրիտանիայի վարչապետ Բորիս Ջոնսոնը։

Ավելի վաղ Reuters-ը, հղում անելով իր աղբյուրներին, հայտնել էր, որ G7-ի բոլոր երկրները համաձայնել են արգելել Ռուսաստանից ոսկու ներկրումը (բացի վերը նշվածներից, այն ներառում է Ֆրանսիան, Գերմանիան և Իտալիան-խմբ.)։ Արգելքին նրանց միանալու մասին դեռևս չի հաղորդվում: Կիրակի օրը ԱՄՆ վարչակազմի բարձրաստիճան պաշտոնյան ասել է, որ գագաթնաժողովի արդյունքը, ինչպես ակնկալվում է, կլինի «Մեծ յոթնյակի» երկրների համատեղ որոշումը ռուսական ոսկու նկատմամբ էմբարգոյի վերաբերյալ։

Ըստ Ջոնսոնի՝ արգելքը հարվածելու է ռուս օլիգարխներին, ովքեր վերջերս իրենց ակտիվները վերածել են ոսկու, և «Պուտինի ռազմական մեքենային»։

Հայտարարության մեջ նշվում է, որ անցյալ տարի ոսկու արտահանումը Ռուսաստանի տնտեսությանը բերել է ավելի քան 15 մլրդ դոլար։

Արգելքը չի ազդի Ռուսաստանից արդեն համաշխարհային շուկա առաքված ոսկու վրա։

Մեծ Բրիտանիայի վարչապետ Բորիս Ջոնսոնը և Ֆրանսիայի նախագահ Էմանյուել Մակրոնը պայմանավորվել են մեծացնել Ուկրաինային ռազմական օգնություն տրամադրելու ջանքերը։

Բացի այդ, առաջնորդները պայմանավորվել են շարունակել և ամրապնդել Լոնդոնի և Փարիզի միջև սերտ համագործակցությունը այնպիսի ոլորտներում, ինչպիսիք են պաշտպանությունը և անվտանգությունը:

Ջոնսոնի և Մակրոնի հանդիպումը տեղի է ունեցել G7-ի գագաթնաժողովի շրջանակում, որը տեղի կունենա հունիսի 26-28-ը Բավարիայում։

ԱՄՆ նախագահ Ջո Բայդենը Գերմանիայի կանցլեր Օլաֆ Շոլցի հետ հանդիպմանը հիշեցրել է Ռուսաստանին դիմակայելու համար Արևմուտքի միասնության պահպանման կարևորությունը։

«Մենք պետք է միասնական մնանք», - ասել է Միացյալ Նահանգների առաջնորդը, ով Բավարիայում է` G7-ի գագաթնաժողովին մասնակցելու համար։

Բայդենի խոսքով՝ Մոսկվան հույս ուներ, որ արևմտյան երկրները չեն կարողանա խուսափել տարաձայնություններից։ «Սակայն դա չի եղել և չի լինելու»,- հավելել է նա։