Ռուսաստանը Եվրամիության երկրներում սառեցված իր ակտիվները ետ չի ստանա, եթե Ուկրաինային փոխհատուցում չվճարի պատերազմի ընթացքում հասցված վնասի համար, հայտարարել է ԵՄ արտաքին գործերի նախարար Կայա Կալլասը։
«Մենք չենք կարող պատկերացնել, որ եթե հրադադար կամ խաղաղության համաձայնագիր լինի, այդ ակտիվները կվերադարձվեն Ռուսաստանին՝ առանց Ուկրաինային փոխհատուցում վճարելու»,- ըստ Reuters-ի՝ ասել է Կալլասը։
ԵՄ անդամ երկրների արտգործնախարարներն այսօր Կոպենհագենում ոչ պաշտոնական հանդիպում են անցկացնում, որտեղ քննարկելու են նաև ԵՄ երկրներում սառեցված մոտ 210-220 միլիարդ եվրո արժողությամբ ռուսական ակտիվների ճակատագիրը։ Այժմ ԵՄ-ն այդ ակտիվների կառավարումից ստացված եկամուտը մասամբ փոխանցում է Ուկրաինային։ 2025 թվականի առաջին կեսին Կիևն այդ ֆոնդերից ստացել է ավելի քան 10 միլիարդ եվրո։
