Գերմանիայի կանցլեր Ֆրիդրիխ Մերցը ԵՄ առաջիկա գագաթնաժողովում Եվրամիությանը կոչ կանի օգտագործել սառեցված ռուսական ակտիվները՝ Ուկրաինային 140 միլիարդ եվրո (163 միլիարդ դոլար) վարկ տրամադրելու համար: Այս մասին հայտարարել է ինքը Մերցը:
«Մենք ցանկանում ենք դա անել ոչ թե պատերազմը երկարաձգելու, այլ դա վերջ տալու համար», - Բունդեսթագի խորհրդարանի ստորին պալատում իր ելույթում ասել է կանցլերը:
Նա հավելել է, որ Ռուսաստանի նախագահ Վլադիմիր Պուտինը պետք է գիտակցի, որ ԵՄ աջակցությունն Ուկրաինային ոչ թե թուլանում է, այլ աճում:
Մոսկվայից ավելի վաղ զգուշացրել էին, որ ռուսական ակտիվները բռնագանձելու արևմտյան երկրների փորձերն անպատասխան չեն մնա:
