Ուկրաինայի նախագահ Վլադիմիր Զելենսկին հայտարարել է, որ Կիևը ցանկանում է արդեն հաջորդ շաբաթ կրկին հանդիպել ԱՄՆ նախագահ Դոնալդ Թրամփի և եվրոպացի դաշնակիցների հետ՝ ընդգծելով, որ Ռուսաստանը պատրաստվում է նոր հարձակման Ուկրաինայի արևելքում։
Զելենսկին շեշտել է, որ այդ հանդիպման նպատակն է համակարգել հրադադարի և պատերազմի ավարտի շուրջ ջանքերը:
Օգոստոսի 29-ին Զելենսկիի խորհրդական Անդրեյ Երմակը Նյու Յորքում հանդիպել է Սպիտակ տան հատուկ դեսպան Սթիվ Ուիթքոֆի հետ։ Նա տեղեկացրել է Ուիթքոֆին Ռուսաստանի կողմից Ուկրաինայի քաղաքների ու համայնքների դեմ իրականացվող ամենօրյա հարձակումների մասին:
